29 наурыз күні Алматыда Тоқаев пен Мирзиёевтің бейресми кездесуі өтеді

АСТАНА. KAZINFORM – 29 наурыз күні Алматыда Қазақстан Президенті Қасым-Жомарт Тоқаев пен Өзбекстан Президенті Шавкат Мирзиёевтің бейресми кездесуі өтеді. Бұл туралы Ақорданың баспасөз қызметі хабарлады. 

Мемлекет басшылары келіссөз барысында қазақ-өзбек стратегиялық серіктестігі мен одақтастық қатынастарын одан ары нығайту перспективасын, сондай-ақ өңірлік күн тәртібін талқылауды жоспарлап отыр. 

Бұдан бөлек, президенттер қаладағы бірқатар нысанды аралап, жасанды интеллектіге арналған көрмені тамашалайды. 

Еске сала кетейік, бұған дейін Мемлекет басшысының Еуропалық комиссияның вице-президенті Кая Калласпен кездескенін хабарлаған едік.