29 желтоқсанда Қазақстан өңірлерінің басым бөлігінде жел тұрып, тұман түседі, бұрқасын, көктайғақ

АСТАНА. ҚазАқпарат - Қазақстанның барлық аймақтарында атмосфералық ағындардың өтуіне байланысты тұрақсыз ауа-райы сақталады, қар, бұрқасын, тұман, көктайғақ және желдің күшеюі күтіледі.

Бұл туралы Қазгидромет хабарлады.

Қарағанды, Павлодар облыстарында, Ақмола облысының кей жерлерінде бұрқасын, жел 15-20, кей жерлерде 25, екпіні 30 м/с жоғары күтіліп, кей жерлерінде көктайғақ болады.

Шығыс Қазақстан облысының кей жерлерінде бұрқасын, көктайғақ, түнде желдің жылдамдығы 17-22, кей жерлерде - 25, күндіз 15-20, кей жерлерде 23-28, 30 м/с жетеді.

Солтүстік Қазақстан, Қостанай облыстарының кей жерлерінде ұйытқып жел соғады, 15-20, кей жерлерде екпіні 23-25 м/с жетіп, кей жерлерде бұрқасын болады. Жамбыл облысының кей жерлерінде бұрқасын, тұман, көктайғақ, жел 15-20, екпіні 23-28 м/с болады.

Оңтүстік Қазақстан облысының кей жерлерінде көктайғақ, бұрқасын, жел 15-20, түнде екпіні 25 м/с болады.

Қызылорда облысының кей жерлерінде жел 15-20 м/с, тұман, көктайғақ болуы ықтимал.

Ақтөбе, Батыс Қазақстан облыстарының кей жерлерінде желдің 15-20 м/с күшеюі күтіліп, бұрқасын болады.

Батыс Қазақстан облысында тұман түседі.

. Маңғыстау облысының кей жерлерінде көктайғақ, тұман болады.

Алматы облысының Жалаңашкөл ауданында желдің жылдамдығы 17-22 м/с болады.