30 қазанда әлемдік мұнай бағасы өзгерді
АЛМАТЫ. KAZINFORM - Әлемдік мұнай бағасы жұма күні өсті.
30 қазан күні таңертеңгі сауда қорытындысы бойынша, Brent маркалы мұнай фьючерстері барреліне 116,17 долларға дейін қымбаттады. Баға 1,29 долларға немесе 1,12%-ға өсті.
WTI маркалы мұнайдың бағасы барреліне 103,43 доллар болды. Америкалық мұнайдың құны 1,43 долларға немесе 1,4%-ға артты.
Ал Ресейдің Urals маркалы мұнайы барреліне 110,48 долларға дейін арзандады. Оның бағасы 1,08 долларға немесе 0,97%-ға төмендеді.
Нарық қатысушыларын Ормуз бұғазы маңындағы кеме қатынасына төнетін қауіп алаңдатып отыр. Бейсенбі күні Иран Ислам революциясы сақшылар корпусының (ИРСК) әскери-теңіз күштері Ормуз бұғазының батыс бөлігінде америкалық барлау ұшқышсыз ұшу аппаратын ұстап алғанын мәлімдеді.
