31 қаңтарда Қазақстанның басым бөлігінде аспан ашық болады - Қазгидромет

АСТАНА. ҚазАқпарат - Қазгидромет 31 қаңтарда болатын қауіпті метеорологиялық құбылыстарға болжау консультациясын жариялады, деп хабарлайды ҚазАқпарат.

Еліміздің басым бөлігі әлі де антициклон жотасының ықпалында болады, осыған байланысты көбінесе жауын-шашынсыз ауа райы сақталады.

Тек ҚР солтүстік дәне орталық аймақтарына Солтүстік циклон жырасының әсер етуімен байланысты аздаған қар жауады, жаяу бұрқасын болады. Еліміздің оңтүстігінде атмосфералық фронтальды бөліктердің өтуінен жауын-шашын (қар, жаңбыр) жауады, жел күшейіп, тұман, көктайғақ күтіледі.