31 наурызда Қазақстанның оңтүстігінде нөсер жаңбыр жауады, солтүстікте жел күшейеді, тұман, көктайғақ

АСТАНА. ҚазАқпарат - 31 наурызда Қазақстан аумағының басым бөлігінде атмосфералық фронтальды бөліктердің өтуіне байланысты кей жерлерінде жауын-шашын сақталады, оңтүстікте нөсер жаңбыр жауады, тұман, көктайғақ, желдің күшеюі ықтимал.

Тек республиканың батысында ауа-райы жауын-шашынсыз болады, деп хабарлайды Қазгидромет.

Жамбыл облысының кей жерлерінде тұман, желдің күші 19-24 м/с болады.

Қостанай облысының кей жерлерінде тұман түседі, көктайғақ, желдің күші 15-20 м/с-қа жетуі мүмкін. Оңтүстік Қазақстан облысының кей жерлерінде күн күркіреп, найзағай ойнайды, желдің жылдамдығы 15-20 м/с.

Алматы облысының кей жерлерінде тұман түсіп, түнде жел күшейіп, екпіні 15-20 м/с.-ге жетеді.

Қарағанды облысының кей жерлерінде тұман, жел 15-20 м/с күтіледі.

Ақмола облысының түнде және таңертең кей жерлерінде тұман, көктайғақ, күндіз желдің күші 15-20 м/с. болады.

Қызылорда облысының кей жерлерінде жел 15-20 м/с күшейеді.