31,9 млн теңге жымқырған: «Жетісу» футбол клубының» директоры сотталды

АСТАНА. KAZINFORM — Талдықорған қалалық соты «Жетісу» футбол клубы» КМҚК директоры К. Донсебаевқа қатысты үкім шығарды

— Ол оқу-жаттығу жиындарын өткізу кезінде клуб футболшыларының тамақтануына бөлінген 31,9 млн теңге мөлшерінде бюджет қаражатын жымқырғаны үшін кінәлі деп танылды, — делінген хабарламада.

Залалдың толық өтелуіне және ауыр сырқаттың болуына байланысты Донсебаев мемлекеттік қызметте және квазимемлекеттік сектор субъектілерінде қызмет атқаруға өмір бойына тыйым салынып, сот шешімі бойынша 7 жылға бас бостандығынан айырылды.

Үкім заңды күшіне енді.

Айта кетелік БҚО-да 1,5 млн теңге пара алғаны үшін сәулет және қала құрылысы бөлімінің басшысы сотталған еді.