330 мыңнан астам қазақстандық көлік салығын төлемей жүр

АСТАНА. KAZINFORM — Елімізде көлік салығы бойынша берешек өңірлер белгілі болды.

Мемлекеттік кірістер комитетінің мәліметі бойынша 335 мың жеке тұлғаның көлік салығы бойынша 10,7 млрд теңге қарызы бар.

Көлік салығы бойынша берешек өңірлер: 

— Алматы қаласы 2,1 млрд теңге (39 мың жеке тұлға);
— Астана қаласы 1,3 млрд теңге (33 мың жеке тұлға);
— Шымкент қаласы 885 млн теңге (28 мың жеке тұлға),
— Шығыс Қазақстан облысы 213 млн теңге (8 мың жеке тұлға)

Еске сала кетсек, былтыр маусымда жеке тұлғалардың көлік салығы төмендеуі мүмкіндігі туралы жазған болатынбыз. 

Сондай-ақ Мәжіліс депутаты Берік Бейсенғалиев жаңа салық кодексінде көлік салығын жанармай бағасына қосу ескерілмегенін айтқан еді. 

Одан бөлек, жаңа салық кодексі жобасында ескі көлік салығы 50%-ға төмендейтіні айтылды.