35 градус аяз болады: өңірлер бойынша ауа райы болжамы

АСТАНА. KAZINFORM – «Қазгидромет» РМК алдағы демалыс күндеріне арналған ауа райы болжамын жариялады.

35 градус аяз болады: Демалыс күндеріне арналған ауа райы болжамы жарияланды
Фото: Александр Павский/Kazinform

Синоптиктердің болжамы бойынша, Атлант мұхитынан келген ылғалға толы циклон Қазақстан аумағындағы ауа райына әсер етеді. Циклонның фронтальды бөліктерінде қар, бұрқасын күтіледі, еліміздің батысы мен оңтүстігінде, ал 20-21 қаңтарда солтүстік өңірлерде жаңбыр мен қар аралас жауын-шашын жауады болжанады. Еліміз бойынша жел күшейіп, тұман және көктайғақ болады.

18 қаңтарда Түркістан облысында түнде жауын-шашын болады.

20 қаңтарда Ұлытау, 21 қаңтарда Ақтөбе, Қостанай және Солтүстік Қазақстан облыстарында, 21-22 қаңтарда Ақмола облысында, 22 қаңтарда Павлодар, Қарағанды, Түркістан, Жамбыл және Абай облыстарында қар жауады.

22-23 қаңтарда Шығыс Қазақстан, Алматы және Жетісу облыстарында да қар жауады деп болжанады.

22 қаңтардан бастап суық ауа массасы таралып, түнде температура айтарлықтай төмендейді:

  • батыста температура 10-20 градус аяз;
  • солтүстік-батыс пен солтүстікте 20-30 градус аяз;
  • орталық пен шығыста 25-35 градус аяз;
  • оңтүстікте 12-25 градус аяз;

Ауа райына байланысты бірқатар өңірде ескерту жарияланғанын жазған болатынбыз.

Соңғы жаңалықтар