38 мыңнан астам қазақстандық Vero cell вакцинасын алды
«Тиісті контингентті вакцинациялау жалғасуда. Бүгінгі күні вакцинаның 11,1 млн дозасы пайдаланылды. Оның ішінде 1 компонентпен 6 276 224 адам егілді, бұл тиісті халықтың 63 пайызы. Екінші компонентпен 4 913 196 адам қамтылды. Республикаға ҚХР-да өндірілген Sinofarm вакцинасының 1 млн дозасы әкелінді. Оның ішінде егу пункттеріне вакцинаның 659 400 дозасы жеткізілді. Осы аптада вакцинациялау басталды, 38 161 адам егілді. Егу пункттерінде шамамен 1 млн 300 мың бірінші компонент және 940 мың екінші компонент бар», - деді ол Орталық коммуникациялар қызметіндегі баспасөз мәслихатында.
Сонымен қатар ол коронавирустық инфекцияның тұрақты түрде мутациялануына қарамастан, профилактикалық іс-шаралар вакцинация, маска кию режимі; үй-жайларды желдету; қол гигиенасы; әлеуметтік қашықты сақтау болып қала беретіндігін баса айтты.
«Қазақстандықтарға, қарапайым профилактикалық іс-шараларды сақтау және вакцинациялану қажеттілігі туралы тағы да еске саламын», - деді Алексей Цой.