5 наурызда елімізде өтетін маңызды іс-шаралар аңдатпасы

АСТАНА. KAZINFORM – Kazinform халықаралық ақпарат агенттігі Қазақстанда 5 наурыз күні өтетін маңызды іс-шаралар аңдатпасын ұсынады.

АСТАНА

Сағат 10.00-де ҚР Парламенті Мәжілісінің отырысы.

14.30-да ҚР Сауда және интеграция министрлігінің алқа отырысы.

15.30-да Қазақстан Республикасы Президенттік орталығы Қазақстан халқы Ассамблеясының 30 жылдығына орай «Қазақстан халқы Ассамблеясы: бірлік пен дамудың үш онжылдығы» атты тақырыпта халықаралық дөңгелек үстел отырысын ұйымдастырады.

16.00-де Халықаралық әйелдер күніне арналған «Әйелге әсемдік жарасады» атты көне әшекей бұйымдарының көрмесі өтеді. Өтетін орны: Нұржол 12.

17.00-де ҚР Президенті жанындағы Орталық коммуникациялар қызметінде «ҚР Сауда және интеграция министрлігінің 2024 жылғы қорытындылары: ішкі және сыртқы сауда» атты баспасөз мәслихаты өтеді.