6 шілде. Тұлғалар туған күн
Бүгін, 6 шілде күні тұлғалардан кімдер дүниеге келген? Kazinform оқырмандарына есімдер күнтізбесін ұсынады.
85 жыл бұрын (1940) Қазақстанды 1989-2019 жылдар аралығында басқарған кеңестік және қазақстандық мемлекет және саяси қайраткер Нұрсұлтан Әбішұлы НАЗАРБАЕВ дүниеге келді.
Алматы облысы, Қаскелең ауданы, Шамалған ауылының тумасы. Днепродзержинск техникумын, Қарағанды металлургия комбинаты жанындағы жоғары техникалық оқу орнын, КОКП ОК жанындағы жоғары партия мектебін бітірген.
Еңбек жолын 1960 жылы Қарағанды облысы Теміртау қаласындағы «Казметаллургстрой» тресінің құрылыс бөлімінде жұмысшы болып бастаған. Одан кейін Қарағанды металлургия комбинатында құю машиналарының шойын құюшысы, домна пешінің машинисі;
1965-1969 жылдары Қарағанды металлургиялық комбинатының (Қарағанды металлургиялық комбинаты) домна цехының диспетчері, газшысы, аға газшысы;
1969-1973 жылдары Қарағанды облысы Теміртау қаласында партия-комсомол жұмысында; 1973-1977 жылдары Қарағанды металлургиялық комбинаты партия комитетінің хатшысы; 1977-1979 жылдары Қарағанды облыстық партия комитетінің хатшысы, екінші хатшысы;
1979-1984 жылдары Қазақстан Компартиясы Орталық Комитетінің хатшысы; 1984-1989 жылдары Қазақ КСР Министрлер Кеңесінің Төрағасы; 1989-1991 жылдары Қазақстан Компартиясы Орталық Комитетінің бірінші хатшысы;
1990 жылғы ақпаннан сәуірге дейін - бір мезгілде Қазақ КСР Жоғарғы Кеңесінің Төрағасы; 1990 жылдың сәуірінен - Қазақстан Президенті; Қазақстан Республикасы Қауіпсіздік Кеңесінің төрағасы, «Нұр Отан» партиясының төрағасы қызметтерін атқарды.
2019 жылдың 19 наурызында Нұрсұлтан Назарбаев Қазақстан халқына Жолдауында отставкаға кететінін мәлімдеді.
44 жыл бұрын (1981) Қарағанды облысы мемлекеттік сатып алу басқармасының бастығы Елнар Бекенұлы УАХИТОВ дүниеге келді.
Қарағанды облысында туған. Е.А.Бөкетов атындағы Қарағанды мемлекеттік университетін бітірген. ҚР Президенті жанындағы Мемлекеттік басқару академиясын бітірген.
Еңбек жолы: «Қарағанды Жылу» ЖШС логистика бөлімінің маркетинг және сапа жөніндегі менеджері, «Караганда Тех Сервис» ЖШС директоры (2003-2005); «Маркетингтік және аналитикалық зерттеулер орталығы» АҚ өкілдігінің консультанты, Астана қаласы (2005-2006); «Қарағанды облысы әкімінің аппараты» ММ облыс әкімінің тұрғын үй-коммуналдық шаруашылық мәселелері жөніндегі орынбасарының бас маман-кеңесшісі міндетін атқарушы (2006); Қарағанды облысы әкімінің тұрғын үй-коммуналдық шаруашылық мәселелері жөніндегі бас маманы – кеңесшісі (2006-2007);
«CNRG Capital» ЖШС өкілдігінің директоры, Астана қаласы (2008); «Қарағанды облысының энергетика және коммуналдық шаруашылық басқармасы» мемлекеттік мекемесі басшысының орынбасары (2008-2009); Қарағанды облысы әкімі аппаратының ұйымдастыру жұмысы бөлімінің меңгерушісі (2009-2010);
Қазақстан Республикасы Индустрия және жаңа технологиялар министрінің кеңесшісі (2010); «Қарағанды облысының жолаушылар көлігі және автомобиль жолдары басқармасы» мемлекеттік мекемесі басшысының орынбасары (2010-2011); «Қарағанды облысының жолаушылар көлігі және автомобиль жолдары басқармасы» ММ көлік және коммуникация бөлімінің басшысы (2011-2013); «Шахтинск қаласы әкімінің аппараты» ММ Шахтинск қаласы әкімі орынбасарының міндетін атқарушы (2013-2014); Шахтинск қаласы әкімінің орынбасары (2013-2017); Астана қаласы Есіл ауданы әкімінің орынбасары (2017-2019); Астана қаласы Есіл ауданы әкімінің орынбасары (2019-2025).
2025 жылдың наурыз айынан бастап қазіргі қызметінде.
