6 солтүстікқазақстандық Тәуелсіздік күні мерекесі қарсаңында «Құрмет» орденімен марапатталды (ФОТО)

ПЕТРОПАВЛ. ҚазАқпарат - Тәуелсіздік күні мерекесі қарсаңында Петропавлда салтанатты жиын өтті. Облыс басшысы Ерік Сұлтанов жұртшылықты мерекемен құттықтап, мемлекеттік наградалар тапсырды.

- Шын жүректен баршаңызды біздің мемлекетіміздің басты мерекесі - Тәуелсіздік күнімен құттықтаймын! Бұл біздің көпұлтты еліміз үшін өте маңызды оқиға. Тәуелсіздік біздің жарқын болашағымызды, қазақ халқын тұтастыратын келешекті айқындап берді.

«Зенченко и К» серіктестігінің директоры Геннадий Зенченкоға «Парасат» орденін табыстаған облыс әкімі тағы 6 солтүстікқазақстандықты «Құрмет» орденімен марапаттады. Олардың қатарында облыстық маслихаттың хатшысы Кайырлы Едресов та бар.

Сонымен қатар, облыстың 10 тұрғынына «Ерен еңбегі үшін» медалі берілді. Барлығы 30 облыс тұрғыны марапатталды.