Ертең Астанада 7 сыныпқа дейінгі оқушылар сабақты қашықтан оқиды

АСТАНА. KAZINFORM — Күн райының қолайсыздығына байланысты 7 сыныпқа дейінгі оқушылар қашықтан оқытылады. Бұл туралы Астана қаласының Білім басқармасы хабарлады.

«7 қараша күні ауа райының қолайсыздығына байланысты бірінші ауысымның 0-7 сынып оқушылары қашықтан оқыту форматына ауыстырылды», — делінген хабарламада.

Еске сала кетейік, бұған дейін Ақтөбе, Ақмола, Қостанай, Жамбыл, Түркістан облыстарында көлік құралдарының барлық түрлерінің қозғалысы жабылғанын жазған болатынбыз.

Астанада ауа райына байланысты рейстер кешікті.