Астанада ауа райына байланысты рейстер кешігіп жатыр

АСТАНА. KAZINFORM —  Астанада ауа райы рейстердің кешігуіне себеп болды.

Air Astana әуекомпаниясы бүгін кешкі рейстердің кешігетінін мәлімдеді.

«Air Astana әуекомпаниясы 6 қараша күні кешке Астанадан ұшатын рейстердің ауа райына байланысты кешіктірілетінін хабарлайды. Нақты себебіне келсек, қатты жел ұшақты мұзға қарсы өңдеу жұмысына кедергі келтіреді. Әуежайға шығар алдында рейс туралы ақпаратты әуекомпания сайтынан алдын ала тексеруіңізді сұраймыз», - делінген хабарламада.

Елорда мектептерінде ауа райының нашарлауына байланысты сабақтар қысқартылғанын жазған болатынбыз.