7 мамырда Қазақстанның басым бөлігінде жел күшейіп, жаңбыр жауады

АСТАНА. ҚазАқпарат - Бүгін атмосфералық фронттардың өтуіне байланысты Қазақстанның  барлық  аймақтарында ауа райы құбылмалы болады, кей жерлерде найзағай ойнап, жаңбыр жауады, жел күшейеді, оңтүстік шығыста бұршақ жаууы ықтимал, тек Республиканың батысында  жауын-шашынсыз ауа райы күтіледі.

Бұл туралы ҚР ІІМ ТЖК баспасөз қызметі хабарлайды.

Солтүстік  Қазақстан, Ақмола, Қостанай облыстарында  желдің жылдамдығы 15-20 м/с-ға дейін күшейеді, желдің екпіні 23-28 м/с.

Солтүстік Қазақстан, Қостанай облыстарында күндіз найзағай болады.

Қарағанды, Шығыс Қазақстан, Жамбыл, Оңтүстік Қазақстан облыстарының кей жерлерінде желдің жылдамдығы 15-20 м/с-ға дейін күшейеді, найзағай болады.

Алматы облысының кей жерлерінде найзағай күтіледі, бұршақ жауады, желдің жылдамдығы 17-22 м/с-ға дейін күшейеді.

Павлодар, күндіз Батыс Қазақстан, Ақтөбе облыстарының кей жерлерінде желдің жылдамдығы 15-20 м/с-ға дейін күшейеді

Ақмола облысының кей жерлерінде түнде үсік жүреді.