74 млн. теңге көлемінде мемлекет қаржысы ұрланған - Алматы облысы

ТАЛДЫҚОРҒАН. ҚазАқпарат - Алматы облысының экономикалық қылмысқа және сыйбайлас жемқорлыққа қарсы күрес департаменті «Акме-Тараз» ЖШС басшылығына қатысты қылмыстық іс қозғады.

Қаржы полициясында хабарлағандай, «Ауыл шаруашылығын қаржылай қолдау қоры» АҚ мен фирма басшысы жалпы аумағы 12 000 шаршы метрді құрайтын 50 шағын жылыжайлар кешенін сатып алуға байланысты келісімшарт жасасқан.

Алайда шартқа сәйкес міндеттемелер орындалмай, 74 млн. теңге көлемінде мемлекет қаржысы ұрланған.