Ә.Исекешев министрлердің әлі күнге дейін неліктен отандық көлікке отырмағандығын түсіндірді

АСТАНА. 6 қараша. ҚазАқпарат - Бүгін ҚР Президенті жанындағы Орталық коммуникациялар қызметінде өткен брифингте ҚР Премьер-Министрінің орынбасары - ҚР Индустрия және жаңа технологиялар министрі Әсет Исекешев министрлердің әлі күнге дейін неліктен отандық көлікке отырмағандығын түсіндірді.

«Өйткені, біздің машина жасау өндірісіміз пайда болғанға дейін ол көліктер сатып алынған болатын. Олардың өз пайдалану мерзімі бар, алып бірден шығынға жазуға болмайды ғой. Олардың пайдалану мерзімі аяқталған соң бірқатар министрлер отандық автомобильге отыратын болады», - деді Ә.Исекешев.