16:16, 02 Қазан 2012 | GMT +5
А.Миллер ҚР Президентіне мұнай-газ саласындағы қазақстан-ресей ынтымақтастығының келешегі туралы баяндады
АСТАНА. 2 қазан. ҚазАқпарат - Бүгін Қазақстан Президенті Нұрсұлтан Назарбаев «Газпром» ААҚ басқарма төрағасы Алексей Миллермен кездесті. Бұл туралы Мемлекет басшысының баспасөз қызметі хабарлады.

Кездесу барысында Мемлекет басшысына мұнай-газ саласындағы қазақстан-ресей ынтымақтастығының жай-күйі және келешегі баяндалды.
Бұдан басқа, тараптар «ҚазМұнайГаз» Ұлттық компаниясы» АҚ мен «Газпром» ААҚ арасындағы табиғи газ бен газ конденсатын өндіру, тасымалдау өңдеу және өткізу саласындағы өзара іс-қимыл мәселелерін қарады.