Абай облысында 3 010 суқұзғынды атуға рұқсат беріледі

АСТАНА. KAZINFORM — 2025 жылдың 16 шілдесінде сағат 15:00–де Абай облысында үлкен суқұзғын (лат. Phalacrocorax carbo) құстарының санын реттеуге арналған рұқсат алу жүйесі іске қосылады, деп хабарлайды Орман шаруашылығы және жануарлар дүниесі комитеті.

суқұзғын
Фото: Орман шаруашылығы комитеті

Комитет атап өткендей, өтінімдер www.elicense.kz электрондық үкімет порталында қабылданады.

— Бұл шара құстардың шамадан тыс көбеюі салдарынан табиғи тепе-теңдікті сақтау және балық қорын қорғау мақсатында жүзеге асырылып отыр. Биыл Абай облысы бойынша 3 010 суқұзғынды атуға рұқсат (лимит) берілмек. Бұл рұқсат ерекше қорғалатын табиғи аумақтарға қатысты емес. Лимитке негіз болған биологиялық қорытынды арнайы сараптамаға сүйене отырып дайындалған, — делінген ведомство хабарламасында.

Рұқсаттар Қазақстан Экология, геология және табиғи ресурстар министрінің бекітілген ережелеріне сәйкес беріледі. Қызмет толық автоматтандырылған — өтінім жіберілгеннен кейін 20 минут ішінде рұқсат беріледі, адам араласпайды.

Бұған дейін Батыс Қазақстанда киік санын реттеу жұмысы қалай жүргізіліп жатқанын жазған едік.

Соңғы жаңалықтар