Абай облысында түрмеде отырған адам көз жұмды, күдікті ұсталды

СЕМЕЙ. KAZINFORM – Абай облысында түрмеде жазасын өтеп жатқан адамның қаза болуына қатысты қылмыстық іс қозғалды.

Түрме
Фото: Kazinform

Әзірге ер адамның нақты қалай көз жұмғаны жайлы ақпарат жоқ. Полиция қызметкерлері тергеу амалдарын жүргізіп жатыр. Бұл туралы облыстық Полиция департаментінің баспасөз қызметінен хабарлады.

— Қылмысқа қатысты күдікті ұсталып, уақытша ұстау изоляторына қамауға алынды. Оқиғаның барлық мән-жайын жан-жақты және объективті анықтауға бағытталған қажетті тергеу амалдары жүргізілуде. Басқа ақпаратты жария етуге заңмен тыйым салынған, — деп хабарлады ведомство өкілдері. 

Тергеу барысы Полиция департаменті басшылығының ерекше бақылауына алынған.

Еске салсақ, осыған дейін Өскемен тұрғынын өлтірген ер адам қылмысын жасыру үшін пәтерді өртеп жібергені жайлы жазғанбыз. 

Соңғы жаңалықтар