Абай облысында жол апатынан 3 адам көз жұмды
СЕМЕЙ. KAZINFORM – Абай облысында екі көлік соқтығысып, 3 адам қаза болды.
Облыстық Полиция департаменті баспасөз қызметінің мәліметіне сүйенсек, жол-көлік оқиғасы 25 тамызда сағат 03:30 шамасында «Семей-Өскемен» тасжолында болған. Toyota Land Cruiser және Nissan Еlgrand маркалы екі көлік соқтығысқан.
«Жол апаты салдарынан 1 жүргізуші мен 2 жолаушы сол жерде қаза болды. Әртүрлі дене жарақаттарын алған 3 адам медициналық мекемеге жатқызылды. Аталған факті бойынша ҚР ҚК-нің 345-бабы 4-бөлігі (Абайсызда екі және одан да көп адамның өліміне әкеп соққан көлік құралдарын басқаратын адамдардың жол қозғалысы немесе көлік құралдарын пайдалану қағидаларын бұзуы) бойынша сотқа дейінгі тергеу басталды», - делінген ақпаратта.
Қазіргі уақытта тиісті сараптамалар тағайындалды. Тергеу барысы Абай облысы Полиция департаменті басшылығының бақылауында.
