Абай облысындағы тағы бір ауылда бірнеше үй су астында қалды

СЕМЕЙ. KAZINFORM – Абай облысы Бесқарағай ауданы Қарабас ауылында бірнеше үйдің ауласы су астында қалды. 

Бесқарағай ауданында қар жоғары жылдамдықпен еріп, қызыл су жүріп жатыр. Қарабас ауылының кіреберісіндегі Нұрсейітов және Больничная көшелері бойына су жиналған.

«Қазіргі уақытта Больничная көшесіндегі 4 үйдің ауласы су астында қалды. Оқиға орнына жергілікті атқарушы орган мамандары келіп жетті. Барлығы 20 адам және 3 техника жұмылдырылып, суды бұру мақсатында инженерлік жұмыстар жүргізілуде. Соның нәтижесінде, су деңгейі төмендеуде», - деп хабарлады Абай облысы әкімдігінің баспасөз қызметінен.

Еске салсақ, осыған дейін Абай облысы Жарма ауданында 12 аула қызыл су астында қалып, 9 үйге су кіргені хабарланған.