Абай облысының тұрғыны күнбағыс арасына қарасора өсірген

Абай облысының тұрғыны күнбағыс арасына қарасора өсіргені анықталды, деп хабарлайды ҚазАқпарат.

"Құрамында есірткі бар өсімдіктерді Абай облысының орталығынан 45 шақырым жерде орналасқан Шүлбі кентін дронмен жергілікті аумаққа мониторинг жүргізу кезінде есірткі қылмысымен күресушілер тапты", - деп жазды ІІМ.

Ондағы мәліметтерге қарағанда, жабайы қарасора ошағы жойылды, өсімдіктердің 1200 бұтасы өртенді. Бұл - 800 кг-нан астам есірткі.

Полицейлер құрамында есірткі заттары бар өсімдіктерді заңсыз өсіру Қазақстан Республикасы ҚК 300-бабы бойынша қылмыстық жауаптылыққа әкеп соғатынын ескертті.