Абай облысындағы кәсіпорын өңірде әлеуметтік жобаларды жүзеге асыруға 2 млрд теңге бөлмек

СЕМЕЙ. ҚазАқпарат - Абай облысының әкімі Нұрлан Ұранхаев пен «Бақыршық тау-кен өндіру кәсіпорны» ЖШС басқарма төрағасы Кенбейіл Исаев әлеуметтік жобаларды іске асыру мәселелері бойынша өзара іс-қимыл меморандумына қол қойды.

Бұл туралы ҚазАқпарат Абай облысы әкімдігінің баспасөз қызметіне сілтеме жасап хабарлайды. ⠀

Меморандум аясында көшелерді абаттандыруға (көгалдандыру, электр жарықтандыру желілері және т. б.) 2 100 000 000 теңге бөлу жоспарланып отыр.

Нақтырақ айтқанда:

1 тоқсан (Уәлиханов көшесінен Қабанбай батыр көшесіне дейін);

4 тоқсан (Дулатов көшесінен Уәлиханов көшесіне дейін);

5 тоқсан (Қабанбай көшесінен бастап батыр Жамақаев көшесіне дейін).⠀

Бұл меморандум өңірдің әлеуметтік-экономикалық дамуы шеңберінде іске асырылатын болады.⠀

Аумақты абаттандыру - қаланың инфрақұрылымдық дамуы тұрғысынан маңызды және өзекті мәселесі.