Абиба Әбужақынова әлемдік Гран-при жарысының финалына шықты

АСТАНА. KAZINFORM - Қазақстандық дзюдошы Абиба Әбужақынова әлемдік Гран-при жарысының финалында күреседі.

Бұл жөнінде Қазақстан дзюдо федерациясы мәлім етті.

Қазақстандық дзюдошы Аустрияда өтіп жатқан әлемдік Гран-при жарысының финалына шықты. Жарыс финалында ол жапониялық Мизуки Харадамен кездеседі.

Ол жартылай финалда Амбер Херсьесті (Нидерланды), ал ширек финалда Спрингер Жаклинді (Австрия) жеңді.

Финал Астана уақытымен сағат 21:00-де басталады.

Айта кетсек, бүгін Аустрияда дзюдодан әлемдік Гран-при кезеңі басталды. Аталған жарыста әлемнің 52 елінен барлығы 416 татами шебері қатысып жатыр.

Еске салсақ, бұдан бұрын Таразда дзюдодан жастар арасында Қазақстан чемпиондары анықталды.