«Әбу-Даби ? Астана - Әбу-Даби» жаңа авиарейсі ашылды

АСТАНА. Мамырдың 7-сі. ҚазАқпарат /Арман Асқаров/ - Бүгін Астана қаласының Халықаралық әуежайында «Etihad Airways» авиакомпаниясы жаңа «Әбу-Даби – Астана - Әбу-Даби» рейсінің ашылуы жөнінде жария етті,

деп хабарлайды ҚазАқпарат.Осыған орай өткен баспасөз мәслихатында аталған компанияның аймақтық өкілі Оксана Светенко мәлім еткендей, жаңа авиарейсінде 110 орынға есептелген А-319 ұшағы жұмыс істейтін болады. Жолаушылар әрбір бейсенбі сайын Астанадан Әбу-Даби қаласына кешкі уақытта ұша алады. «Etihad Airways» авиакомпаниясы үшін Астана Қазақстандағы екінші әуежолы ретінде ашылып отыр. Оған біз жақында екі елдің басшылары жүргізген келіссөздердің нәтижесінде қол жеткізіп отырмыз. Жаңа рейс Қазақстан мен Біріккен Араб Әмірліктерінің арасындағы достық қарым-қатынастардың нығаюына өз септігін тигізеді деп білеміз», деді О.Светенко.