Адам өлтірген қылмыскер бақылаушы бейнекамераның көмегімен қолға түсті

АҚТАУ. Шілденің 15-і. ҚазАқпарат /Анаргүл Төлегенова / - Оған енді өзінің жасаған  қылмысын дәлелсіз деп  қасарысудың қажеті  жоқ. Өйткені ол қылмыс жасау үстінде облыстық полиция бейнекамерасына түсіп қалғанынан хабарсыз еді,

деп хабарлайды ҚазАқпарат.

№4 шағын ауданның 29 жастағы тұрғынын айуандықпен ұрып -соғып өлтірген 23 жастағы азамат бұлтартпас айғақ негізінде жедел ұсталды.

 МО ІІД  «Қауіпсіз аула» бағдарламасы аясында 20-ға жуық  бейнекамералар қаладағы қылмыс түрлері  жиі қайталанатын шағын аудандарға орнатылған болатын. Соның нәтижесінде,  адам тонау, кісі өлтіру, т.б. қылмыс түрлері ашылып отыр.