Адам папилломасы вирусының вакцинасы бедеулікке әкелетіні туралы ақпарат - жалған

АСТАНА. KAZINFORM – Әлеуметтік желілерде және мессенджерлерде адам папилломасы вирусы (АПВ) вакцинациясы бедеулікке әкелетіні туралы ақпарат тарады, ол шындыққа жанаспайды және фейк деп танылады.

ҚР Денсаулық сақтау министрлігі Эпидемиологиялық бақылау комитеті баспасөз қызметінің хабарлауынша, Қазақстанда жүргізілген зерттеулерді қоса алғанда, көптеген зерттеулердің нәтижелері вакцинаны алмаған әйелдерге қарағанда, АПВ-ға қарсы вакцинация алған әйелдердің репродуктивті денсаулығы жақсы болатыны көрсетеді.

Көптеген әлемдік зерттеулер (Данияда, Канадада, АҚШ-та және т.б.): бала туу қабілетінің бұзылуымен, аналық бездің сарқылу синдромымен немесе басқа репродуктивті бұзылулармен байланыстың болатынын көрсетті.

Бұл тұжырымдар АПВ-ға қарсы вакцинацияның тиімділігі жоғары екенін және оның қауіпсіз екенін растайды. Екпе алған әйелдердің денсаулығына пайдалы әсер ететінін, сонымен қатар АПВ-ға қарсы вакцина бедеулікке әкелмейтінін растайды.

«Әлеуметтік желілерді пайдаланушыларды және барлық азаматты ресми көздердегі сенімді ақпаратқа ғана сенуге шақырамыз»,-делінген хабарламада.