AI бойынша Apple-мен ынтымақтасқаннан кейін Alibaba акцияларының бағасы 7,8%-ға көтерілді

АСТАНА. KAZINFORM — Wall Street Journal басылымының хабарлауынша, Қытайдың әйгілі халықаралық компаниясы Alibaba Group Holding Ltd. үшінші тоқсандағы қаржылық есебін жариялағалы жатыр.

Сонымен бірге компания жасанды интеллекттің дамуы туралы жаңа ақпаратты жариялады. Бұдан бөлек Apple Қытай нарығында iPhone телефондары үшін жасанды интеллект (Apple Intelligence) функцияларын іске қосу үшін серіктес ретінде Alibaba-ны таңдағаны белгілі болды. 

Осы жағымды жаңалықтардың әсерінен Alibaba акцияларының бағасы (OTC: BABAF) сейсенбіде Гонконг қор биржасында күндізгі саудада бір акция үшін 7,8%-ға көтеріліп, 113,10 хонконг долларына (14,52 АҚШ доллары) жетті. 

Бұл көрсеткіш өткен жылдың қыркүйегінен бері компанияның акциялары бағамындағы ең үлкен бір күндік табыс болды. 

Айта кету керек, Alibaba жақында ғана «Qwen2.5-VL» деп аталатын озық AI модельдер сериясын шығарды.

«Qwen2.5-VL» файлдарды талдау, бейне талдау, кескіндердегі нысандарды санау және компьютерлерді басқару сияқты күрделі операцияларды орындауға қабілетті.

Сонымен қатар, «Qwen2.5-VL» әртүрлі сынақтарда OpenAI GPT-4, Anthropic’s Claude 3.5 Sonnet және Google Gemini 2.0 Flash сияқты бәсекелестерінен жақсы нәтиже көрсетті. 

Шетелдік БАҚ-тың хабарлауынша, Apple компаниясы Alibaba-мен жасанды интеллект функцияларын әзірлеуді аяқтап, дайын өнімді Қытайдың интернет реттеуші органдарына тапсырған. 

Шетелдік БАҚ сондай-ақ Apple мен Alibaba түсініктеме сұрауларына бірден жауап бермегенін айтты. 

Сондай-ақ БАҚ Morgan Stanley сарапшыларына сілтеме жасай отырып, Alibaba-мен ынтымақтастық Apple-дің Қытайдағы бәсекеге қабілетті позициясын жақсарту үшін маңызды шешім болады және Қытайда iPhone сатылымының төмендеуі проблемасын жақсартады.

Осыған дейін 2020-2022 жылдары Alibaba платформасына 220 компания орналастырылғаны белгілі болды.