Ақ аюлар су астында ұзақ болудан рекорд орнатты

АСТАНА. ҚазАқпарат - Климаттың жылуына бейімделуге тырысып жатқан ақ аюлар су астында жүзуден рекорд орнатып жатыр. Осыған дейін бұл жануарлар су астында 30 секунд қана жүзе алатын.

Жуырда ғалымдар бір ақ аюдың Шпицберген жағалауында 70 секундтай жүзгенін аңғарған. Ғалымдар аю бұған амалсыздан барғанын айтты. Әлсіз әрі әбден арыған аю мұз үстінде отырған итбалықты ауламақ болған. Рекордқа қарамастан, аюдың бұл әрекеті сәтсіз аяқталды.

Күннің жылуынан құтылу үшін аюлар солтүстік жақтарға аттанып, тағамның өзге түріне, мысалы, дельфиндерге ауысты, деп хабарлады epochtimes.ru.