Ақмола облысы ішкі саясат басқармасының басшысы тағайындалды

АСТАНА. KAZINFORM – Ақмола облысы әкімінің өкімімен Гүлмира Тоқтарқызы Кәрімова Ақмола облысы ішкі саясат басқармасының басшысы болып тағайындалды, деп хабарлайды облыс әкімдігі.

Гүлмира Кәрімова В.И.Ульянова-Ленинатындағы Қазан мемлекеттік университетін бітірген.

Еңбек жолын 1992 жылы Көкшетау қаласының Ауыл шаруашылығы институтында тағылымдамадан өтуші-оқытушы болып бастаған. 

1993-1999 жылдары Көкшетау ауыл шаруашылығы институтының экономика, кәсіпкерліктің экономикалық теориясы кафедрасының ассистенті, С.Сәдуақасов атындағы Көкшетау ауыл шаруашылығы институтының педагогика, психология, философия кафедрасының оқытушысы болып жұмыс істеді.

1999-2007 жылдары Ш.Уәлиханов атындағы Көкшетау мемлекеттік университеті философия кафедрасының аға оқытушысы болды.

2007 жылдан бастап Ақмола облысы ішкі саясат басқармасы басшысының орынбасары қызметін атқарды.

Бұған дейін хабарлағанымыздай, Шығыс Қазақстандағы Шемонаиха ауданына жаңа әкім тағайындалды.