Ақмола облысында екі жүк көлігі соқтығысып, бір адам көз жұмды
КӨКШЕТАУ. KAZINFORM – Ақмола облысында «Көкшетау-Петропавл» тасжолында екі жүк көлігі соқтығысып, бір адам көз жұмды, полиция іс қозғады.
Ақмола облысы Полиция департаменті баспасөз қызметінің мәліметінше, жол апаты бүгін, тамыздың 17- де болған.
«Полиция департаменті осы жылдың 17 тамызында екі жүк көлігінің соқтысқанын хабарлайды. Апат салдарынан көлік құралдарының бірінің жүргізушісі оқиға орнында мерт болды. Осы дерек бойынша сотқа дейінгі тергеу басталды, сараптама тағайындалды», - деп түсіндірді Kazinform тілшісінің сауалына Полиция департаментінің баспасөз қызметінен.
Айта кетсек, жол апаты туралы видео әлеуметтік желіде жарияланды. Онда жол апаты «Көкшетау-Петропавл» тасжолының бойында Алексевка ауылы тұсында болғаны айтылады.
Айта кетсек, бұдан бұрын Ақмола облысында «Газель» көлігі локомотивпен соқтығысқанын жазған едік.
