Ақмола облысында көлік жылдамдығына уақытша шектеу енгізілді

АСТАНА. KAZINFORM – ҚазАвтоЖол Ақмола облысында көлік жылдамдығына уақытша шектеу енгізілгенін хабарлады.

- 2025 жылғы 6 қараша сағат 00:30-дан бастап Ақмола облысында ауа райының нашарлауына байланысты республикалық маңызы бар «Астана – Көкшетау (айналма жол) – Петропавл – РФ шекарасы (Жаңа Жол өткізу пункті)» автожолының 19-231 шақырым аралығында көліктің барлық түрлері үшін қозғалыс жылдамдығы 110 км/сағ-тан 80 км/сағ-қа дейін төмендетілді, - деп жазылған ведомство хабарламасында.

Жол қозғалысының қауіпсіздігін қамтамасыз ету мақсатындағы бұл шектеу ауа райы тұрақтанған соң, 2025 жылғы 6 қараша күні сағат 15:00-де қайта алынып тасталмақ.

Айта кетейік, Алтынемел асуында жол ашылды.