Ақмола облысында полицейлер вандализм жасаған күдіктіні анықтады

КӨКШЕТАУ. KAZINFORM – Ақмола облысының полицейлері Ұлы Отан соғысында қаза тапқандар мен Макинск қаласындағы интернационалды-жауынгерлерді еске алу алаңына зақым келтірген вандалдың жеке басын анықтады.

Естеріңізге сала кетейік, Мемлекет басшысы Қасым-Жомарт Тоқаев вандализмді өте жағымсыз құбылыс деп атап, қазақстандықтарды қоғамдық мүлікті өз меншігі ретінде қорғауға шақырды.

27 мамырда Бұланды ауданының Макинск қаласында өрескел оқиға болды: белгісіз адамдар Ұлы Отан соғысында қаза тапқан және Ауғанстандағы соғыс жылдарында қаза тапқан интернационалды-жауынгерлерді еске алу алаңында орнатылған гранит плиталарын талқандады.