Ақмола облысында жол жабылды

АСТАНА.KAZINFORM – ҚазАвтоЖол Ақмола облысында көлік қозғалысына шектеу қойылғанын хабарлады.

2026 жылғы 10 наурыз сағат 09:30-да ауа райының бұзылуына байланысты келесі республикалық маңызы бар автожолдарда барлық көлік түрінің қозғалысына уақытша шектеу енгізілді.

- «Астана – Атбасар – Жақсы – Рузаевка – Қостанай – РФ шекарасы» автожолының 16-135 шақырым аралығы (Астана қаласы – Астараханка ауылы);

- «Астана – Қорғалжын (Қорғалжын қорығына кіреберіс жолымен)» автожолының 19-180 шақырым аралығы (Астана қаласы – Қаражар ауылы).

Жолды 2026 жылғы 10 наурыз сағат 12:00-де ашу жоспарланған.

1403 байланыс орталығына хабарласып, тәулік бойы қосымша ақпарат алуға болады.

Бұған дейін 10 наурызда республика жолдарындағы ахуал қандай екенін жазған болатынбыз.