02:25, 11 Қаңтар 2024 | GMT +5
Ақмола облысында жолда қалған 75 адам эвакуацияланды
Ақмола облысында бір тәулік ішінде жолда қалған 75 адам эвакуацияланды, деп хабарлайды Kazinform тілшісі.
Облыстық ТЖД баспасөз қызметінің мәліметінше, қазіргі кезде өңірде боранға байланысты республикалық маңызы бар 8 автожол және облыстық маңызы бар 15 автожол жабылған.
Құтқарушылар қар құрсауында қалған автокөлік иелері мен жолаушыларын эвакуациялап жатыр.
«Бір тәулік ішінде облыс аумағында 75 адам эвакуацияланды. Олардың барлығы төрт жылыту пунктіне орналастырылды», - деді ведомстводан.
Осы ретте ТЖД қызметкерлері өңір тұрғындарына боранды күндері елді мекен аумағына алыс жолға шықпау жөнінде кеңес береді.
Айта кетсек, бұдан бұрын Ақмола облысында жолда қалған автобустың 16 жолаушысы эвакуацияланғанын жазған едік.
