Ақмола облысында жүк көлігі мен «Газель» соқтығысты
КӨКШЕТАУ. KAZINFORM - Ақмола облысында жүк көлігі мен «Газель» соқтығысып, екі адам зардап шекті.
Ақмола облысы ПД баспасөз қызметінің мәліметінше, жол-көлік оқиғасы бүгін сағат сағат 19:00 шамасында «Астана-Петропавл» трассасында болды.
«Жол апатынан жүк көлігі жолдың үстіне аударылып қалды. Оқиға орнында патрульдік полиция батальонының қызметкерлері жұмыс істеп жатыр. Екі көліктің жүргізушісі зардап шекті. Сонымен бірге, жол апатының мән-жайлары анықталып жатыр», - деді ведомстводан.
Айта кетсек, бұдан бұрын Ақмола облысында жедел жәрдем көлігі жол апатына ұшырағанын жазған едік.
Ол жолы да апатқа ұшыраған көліктің бірі «Газель» болған. «Honda CR-V» көлігі мен жедел жәрдем бригадасының «Газель» көлігі соқтығысқан. Салдарынан «Honda CR-V» көлігінің 47 жастағы жүргізушісі мен жедел жәрдем фельдшері зардап шекті.
