Ақмола облысында есірткі затымен ұсталынған ресейлік әйел 11 жылға бас бостандығынан айырылды
Ақмола облысының қылмыстық істер жөніндегі мамандандырылған ауданаралық соты Ресей Федерациясының азаматшасына қатысты қылмыстық іс қарады. Сот азаматша Г-ның Ресей Федерациясы аумағында соттылығы бар екені және Ақкөл қаласында аса ауыр қылмыс жасағанын анықтады. Сотқа белгілі болғандай азаматша Г. өз үйінде аса көп мөлшерде героин есірткі затын заңсыз айналысу мақсатында сақтаған. Жедел-іздестіру шаралары барысында Г-ның үйін тінтіген полиция қызметкерлері полиэтиленді бумада марихуана тапқан. Бұдан басқа салмағы 269,67 грамм болатын героин салынған пакет табылды. Ақмола облысының қылмыстық істер жөніндегі мамандандырылған ауданаралық сотының үкімімен азаматша Г. ҚР ҚК 297 бабы 3 бөлімі 3 тармағы, 296 бабының 2 бөлімі (есірткі заттарды, өткізу мақсатында заңсыз иемдену, сақтау), (есірткі заттармен заңсыз жұмыс істеу) кінәлі деп танылып, оған барлық мүлкін тәркілеумен 11 жыл мерзімдегі бас бостандығынан айыру жазасы тағайындалды.