Ақмола облысындағы балалар лагерінде самогон аппараты, пневматикалық қару табылды

КӨКШЕТАУ. ҚазАқпарат - Ақмола облысында балалар лагерлерінің қызметінде заңбұзушылықтар анықталды, деп хабарлайды ҚазАқпарат Ақмола облыстық прокуратурасының баспасөз қызметіне сілтеме жасап.

Баспасөз қызметінің мәліметтеріне қарағанда, Қазақстан Республикасы Бас прокурорының тапсырмасы бойынша Ақмола облысының прокуратурасы балалардың сауықтыру орталықтарының (балалар лагерлерінің) қызметіне кешенді тексеру жүргізіп жатыр.

Тексерудің алдын ала нәтижелерімен: санитарлық-эпидемиологиялық заңнама, өрт қауіпсіздігі, еңбек, білім беру, медициналық заңнама және т.б. талаптарының бұзылуы анықталды.

Мысалы, балаларды сауықтыру орталығының (БСО) бірінде 21 қызметкердің 18-і еңбек шарттарынсыз және санитарлық кітапшаларсыз қабылданған.

Лагерьде 100 баланың орнына белгіленген нормадан көп балалардың бір мезгілде болу фактілері анықталды, іс жүзінде демалыста 170 бала бар.

БСО-ң аумақтары мен үй-жайларын тексеру кезінде спирттік ішімдіктердің бос бөтелкелер, темекі бумалары, құрамында спирті бар сусындарды өндіруге арналған айшықты аппарат, пневматикалық қару, балалар лагерінің ас үй аймағында сақталған тышқанның уы және басқа да тыйым салынған заттар табылды.

Кейбір БСО-ң әкімшілігі балаларды тиісті нұсқаушылардың (құтқарушылардың) сүйемелдеуінсіз жаппай шомылу орындарына (шомылуға тыйым салынады) апару фактілер анықталды.

«Тексеру іс-шаралары жалғасуда және нәтижелері бойынша шаралар қабылданатын болады»,-делінген хабарламада.

Жақында ҚазАқпарат агенттігі мен Jibek Joly телеарнасының түсірілім тобы Ақмола облысының балалар лагерінде оқушылардың қалай демалып жатқанын көріп келгенін хабарлаған болатынбыз.