Ақмолада алаяқтық жасады деген күдікпен түрме бастығы ұсталды

КӨКШЕТАУ. KAZINFORM — Ақмола облысында алаяқтық жасаған деген күдікпен Степногор қаласының № 4 мекеме бастығы, әділет подполковнигі Асылхан Биттігұлов ұсталды.

«Ақмола облысы бойынша ҚАЖД өзіндік қауіпсіздік тобы мен Ақмола облысы полиция департаментінің жеке қауіпсіздік басқармасы қызметкерлері бірлесіп, ҚР ҚК 190-бабында көзделген қылмыс жасады деген күдікпен Степногор қаласындағы № 4 мекеме бастығы, әділет подполковнигі Асылхан Биттігұловты ұстады», — деп хабарлады Ақмола облысы бойынша ҚАЖД баспасөз қызметінен.

Ведомстводан атап өткендей, ҚР ҚІЖК 201-бабына сәйкес өзге ақпарат жарияланбайды. 

Айта кетсек, мұның алдында ақмолалықтардың ақшасын жымқырған алаяқтар 6 жылға сотталғанын жазған едік.