Ақмолалық полицейлер 8 жылдай іздеуде жүрген қылмыскерді Қырғызстанда қолға түсірді

None
None
КӨКШЕТАУ. ҚазАқпарат - Амола облысы ІІД криминалдық полиция қызметкерлері Қырғызстан полицейлерімен бірігіп, Ыстықкөл ауданында 36 жастағы Қазақстан азаматын ұстады.

«Іздеуде жүрген адам Қырғызстандағы туыстарында болған. Қырғызстан полицейлерімен өзара ықпалдастықтың арқасында Ақмола облыстық ІІД қызметкерлері қылмыскерді ұстады», - деп хабарлады облыстық ІІД баспасөз қызметі.

Айыпталушы ҚР ҚК 99-бабы 1-бөлімінде (адам өлтіру) қарастырылған қылмыстық іс бойынша іздеуде жүрген. 2007 жылы ол танысын пышақтап өлтірген.

Қазір күдікті Ыстықкөл АІІБ уақытша ұстау абақтысына қамауға алынды. Оны Қазақстанға жеткізу мәселесі қарастырылып жатыр.

Соңғы жаңалықтар