Ақордада Армения Президенті Ваагн Хачатурянды салтанатты қарсы алу рәсімі өтті

АСТАНА. KAZINFORM - «Ақорда» резиденциясында Қазақстанға ресми сапармен келген Армения Президенті Ваагн Хачатурянды салтанатты қарсы алу рәсімі өтті, деп хабарлайды Ақорданың баспасөз қызметі.

Фото: Ақорда

Қасым-Жомарт Тоқаев пен Ваагн Хачатурян бір-біріне ресми делегация мүшелерін таныстырды. Құрмет қарауылының бастығы рапорт беріп, екі елдің әнұрандары орындалды.

Салтанатты рәсімнен кейін президенттер келіссөз залына барды.

Фото: Ақорда

Осыған дейін Армения президенті Ваагн Хачатурян Қазақстанға ресми сапармен келе жатқанын жазған болатынбыз.

Жоғары деңгейде өтетін келіссөздер барысында саяси, сауда-экономика, мәдени-гуманитарлық салалардағы қазақ-армян ынтымақтастығын одан әрі нығайту перспективалары талқыланады.

Фото: Ақорда

Фото: Ақорда

Фото: Ақорда