Ақпанда жылдық инфляция 1999 жылдың мамырынан бастап ең төменгі деңгейде болды - Григорий Марченко

  АЛМАТЫ. 6 наурыз. ҚазАқпарат - Жылдық инфляция екі айдан бері төмендеуде. Оны ҚР Ұлттық банк төрағасы Григорий Марченко бүгін Алматыда өткен баспасөз мәслихатында айтты.

«2011 жылдың 1 наурызынан 2012 жылдың 1 наурызына дейін инфляция 4,7 пайызға дейін төмендеді. Бұл жылдық инфляцияның 1999 жылғы мамырдан бастап ең төменгі деңгейі. Тренд - өте жағымды», - деді Григорий Марченко. Оның айтуынша, ағымдағы жылы бұл тренд жалғасуы мүмкін. Соның нәтижесінде жылдық инфляция 5,5-6 пайыз аралығында болады деп болжануда.