АҚШ 119 заңсыз мигрантты Панамаға депортациялады

АСТАНА. KAZINFORM – Панама президенті АҚШ-тан Ауғанстан, Қытай, Үндістан және басқа да елдердің азаматтары бар алғашқы рейс сәрсенбі күні келгенін, жақын арада тағы екеуі қонатынын мәлімдеді, деп хабарлайды NBC News. 

Панама президенті Хосе Рауль Мулиноның мәлімдеуінше, Трамп әкімшілігімен келісім аясында Құрама Штаттар әртүрлі ұлт өкілдері бар 119 адамды Панамаға депортациялады. 

Мулиноның хабарлауынша, Ауғанстан, Қытай, Үндістан, Иран, Непал, Пәкістан, Шри-Ланка, Түркия, Өзбекстан және Вьетнам азаматтарын тасымалдаған АҚШ-тан алғашқы рейс сәрсенбіде келді және жақын арада тағы екеуі қонады. АҚШ Панамаға үш рейспен барлығы 360 адамды жібереді. Жер аударылғандар елдеріне оралмас бұрын Дариен аймағы маңындағы баспанаға ауыстырылады. 

Панама Қауіпсіздік министрінің орынбасары Луис Икаса мәлімдегендей, Панама мен АҚШ-тың екіжақты ынтымақтастығы арқасында Дарьеннен (заңсыз мигранттар өтетін джунгли) өткен мигранттар ағыны қаңтарда бір жыл бұрынғы аймен салыстырғанда 90%-ға азайған. 

Еске сала кетейік, бұған дейін АҚШ Халықаралық қылмыстық соттың Бас прокурорына қарсы санкция енгізген болатын.