АҚШ әскері есірткі тасымалдаушылардың кемелеріне шабуылдап, 11 адам мерт болды
АСТАНА. KAZINFORM – Тынық мұхит пен Кариб теңізінде кемелерге жасалған шабуылдар салдарынан 11 есірткі тасымалдаушы мерт болды, деп хабарлайды agenzianova.
16 ақпан күні кешке АҚШ-тың Оңтүстік қолбасшылығы (Southcom) террористік ұйымдар пайдаланған үш кемеге қарсы соққылар жасаған. Соның салдарынан есірткі саудасына қатысы бар деген күдікке ілінген 11 адам көз жұмды. Бұл туралы қолбасшылық X әлеуметтік желісінде хабарлады.
- Барлау кемелердің есірткі трафигінің белгілі бағытымен жүріп, есірткі контрабандасымен айналысқанын растады,-делінген мәлімдемеде.
Сондай-ақ онда Тынық мұхиттың шығыс бөлігінде 4 адам мерт болып, шығыс бөліктегі екінші кемеде тағы 4 адам және Кариб теңізіндегі үшінші кемеде 3 адам көз жұмғаны айтылған.
Осыған дейін АҚШ-тың есірткі картельдеріне соғыс жариялағанын жазған едік.
Late on Feb. 16, at the direction of #SOUTHCOM commander Gen. Francis L. Donovan, Joint Task Force Southern Spear conducted three lethal kinetic strikes on three vessels operated by Designated Terrorist Organizations. Intelligence confirmed the vessels were transiting along known… pic.twitter.com/mib9XtptSB
— U.S. Southern Command (@Southcom) February 17, 2026
