АҚШ елге көшкісі келетіндерге «алтын карталарды» ұсынады

АСТАНА. KAZINFORM – АҚШ бай шетелдіктерге АҚШ-та тұруға және жұмыс істеуге құқық беретін және ел азаматтығын алуға жол ашатын «алтын карталарды» сатады, деп хабарлайды DW ақпарат агенттігі. 

АҚШ президенті Дональд Трамп Сопақ кабинетте тілшілер алдында сөйлеген сөзінде «алтын картаның» құны шамамен 5 млн АҚШ доллары тұратынын атап өтті.

- Біз алтын картаны сатпақпыз. Сізде жасыл карта бар. Ал бұл – алтын карта. Біз бұл картаны шамамен 5 млн долларға бағалаймыз және ол сізге жасыл картаның артықшылықтарын береді, сонымен қатар ол азаматтық алуға жол салады. Дәулетті адамдар осы картаны сатып алып, елімізге келеді, – деді Дональд Трамп.

АҚШ-тың Сауда министрі Ховард Лютниктің түсіндіруінше, алтын карта үкіметтің EB-5 иммиграциялық виза бағдарламасын алмастырады. Трамптың айтуынша, алтын карталарды сату екі аптадан кейін басталуы мүмкін. Ол миллиондаған карта сатылатынын шамалап отыр.

- Құқықтық тұрғыдан алғанда, бұл заңды, - деді АҚШ президенті.

Бұған дейін АҚШ Конгресі заңсыз иммигранттарды қамауға алу туралы заң қабылдады. https://kaz.inform.kz/news/aksh-kongres-zansiz-immigranttardi-kamauga-alu-turali-zan-kabildadi-149e18/

Еске сала кетсек, Дональд Трамп өкілеттігінің үшінші күнінде АҚШ-тың оңтүстік шекарасын заңсыз иммигранттар үшін жауып, оларды депортациялауды ұлғайтуға бағытталған жарлықтарға қол қойды. 

Бұған дейін АҚШ 119 заңсыз мигрантты Панамаға депортациялағанын жазған болатынбыз. 

Сондай-ақ АҚШ 135 заңсыз мигрантты депортациялайды, олардың жартысы балалар екенін жаздық. 

АҚШ-та шетел азаматтарына қандай визалар берілетінін мына материалдан оқи аласыз.