АҚШ батыс жағалауға қоныстанушы израильдіктерге қарсы санкция салды
АҚШ президенті Джо Байден Иордан өзенінің батыс жағалауына қоныстанушыларды зорлық-зомбылыққа шақырған тұлғаларға қарсы санкция салуға бұйрық берді, деп хабарлады Америка дауысы.
Жаңа бұйрық Батыс жағалаудағы зорлық-зомбылықты қолдайды деп есептейтін тұлғаларға бағытталған. Ақ үй шенеуніктері олардың аты-жөнін атамады.
«Президент Джо Байден Батыс жағалауда экстремистік күштер тарапынан зорлық-зомбылықтың көбеюіне, әсіресе 2023 жылы рекордтық деңгейге жеткен экстремистік қоныстанушылар тарапынан зорлық-зомбылықтың өсуіне алаңдаушылық білдірді», - деді ұлттық қауіпсіздік кеңесшісі Джейк Салливан.
Сондай-ақ ол бұл зорлық-зомбылықтың Батыс жағалаудағы, Израильдегі және Таяу Шығыс аймағындағы бейбітшілікке, қауіпсіздік пен тұрақтылыққа және Америка Құрама Штаттарының ұлттық қауіпсіздігі мен сыртқы саяси мүдделеріне қауіп төндіретінін айтты.