АҚШ Конгресіне аралық сайлау басталып жатыр
АСТАНА. KAZINFORM — АҚШ-та 3 қараша, сейсенбі күні Конгрестің құрамын және елдегі саяси билік тепе-теңдігін анықтайтын үшін аралық сайлау өтеді. Сайлаушылар Өкілдер палатасы мен Сенаттағы өз өкілдерін анықтайды.
Дауыстарды санау бірнеше күнге созылуы мүмкін
54 миллионнан астам америкалық жеке немесе пошта арқылы мерзімінен бұрын дауыс беріп үлгерді.
Америкалықтар Өкілдер палатасының барлық 435 мүшесін және Сенаттың үштен бір бөлігін, яғни 100 сенатордың 35-ін сайлайды. Қазіргі уақытта Конгрестің екі палатасын да республикашылдар бақылап отыр.
Сонымен қатар, 36 штатта губернаторлар сайлауы өтеді.
Al Jazeera-ның хабарлауынша, сайлау учаскелері штат заңдарына байланысты әркелкі уақытта ашылып, жабылады. Дауыс беру алдымен Вермонтта жергілікті уақыт бойынша таңғы сағат 5:00-де (Астана уақыты бойынша 15:00) басталып, соңғы сайлау учаскелері Аляскада, шығыс уақыты бойынша сәрсенбі күні таңғы 01:00-де (Астана уақыты бойынша 4 қараша сағат 11:00) жабылады.
Америкалықтар сайлау күні жеке өзі, мерзімінен бұрын немесе пошта арқылы дауыс бере алады. Пошта арқылы жіберілген бюллетеньдерді, сондай-ақ басқа да дауыстарды санау сайлау учаскелері жабылғаннан кейін де жалғасуы мүмкін. Сондықтан, кейбір округтердегі қорытынды нәтижелер бірнеше күн немесе аптадан кейін анықталуы мүмкін.
Республикашылдар негізгі штаттардағы басымдықтарын жоғалтудан қауіптенеді
Бұл сайлауда Өкілдер палатасына ерекше назар аударылып отыр. Өйткені палатадағы республикашылдардың саны 218 болса, 214 орынды демократтар иеленіп отыр, тағы бірнеше орын бос тұр. Кішігірім өзгерістің өзі Өкілдер палатасындағы басымдықтың ауысуына әкеп соқтыруы мүмкін. Сенаттағы жарыс та екі партия үшін өте маңызды.
Аралық сайлау Республикалық партия үшін қиын кезеңде өтіп жатыр.
Қымбатшылық тақырыбы науқандағы маңызды мәселеге айналған. Сауалнамаларға сәйкес, халықтың басым бөлігі азық-түлік пен жанармай бағасының өсуіне, сондай-ақ Дональд Трамп саясатының экономикалық әсеріне алаңдайды. Осыған байланысты президенттің рейтингі төмендеп, дәстүрлі түрде республикашыл саналатын бірқатар штаттарда демократтардың беделі нығайып келеді.
Сауалнама жүргізушілердің айтуынша, демократтардың Өкілдер палатасындағы басымдықты қайтарып алатын мүмкіндігі бар. Дегенмен, жұрт Сенаттағы сайлау одан да қиын болады деп күтеді. Әсіресе Огайо, Техас және Мэн штаттарында талас қызбақ.
A month out from the 2026 midterm election, the costs of many household essentials are a top economic concern for most Americans. https://t.co/4DZUTyF5IK
— Pew Research Center (@pewresearch) October 9, 2026
Республикашылдар арасында қазіргі экономикалық жағдай Техас, Огайо және Канзас сияқты «қауіпсіз» штаттардың өзінде беделі әлсірегеніне алаңдайды.
— Оңтүстік штаттар, Орта Батыс және Американың жүрегі — міне, осы аймақтарда әдетте республикашылдар жақсы нәтиже көрсетеді. Бірақ қазіргі уақытта дәл осы штаттарда Сенатқа сайлау қыза түскен. Президент Трамп екі жыл бұрын президент сайлауында 10, 12 немесе 15 ұпай айырмасымен жеңіске жеткен штаттарда қазір демократтардың Сенатта жеңіске жету мүмкіндігі өте жоғары, — дейді More in Common сауалнама фирмасының жаһандық зерттеу директоры Стивен Хокинс.
Аралық сайлау Трампты қолдау мен оның саясатына сынақ болғалы тұр
АҚШ Әділет министрлігі сайлау учаскелеріне мыңға жуық бақылаушы жіберуді жоспарлап отыр. Бұл сайлаулар үшін рекордтық көрсеткіш. Сынағыш көңіл күйдегі ұйымдардың өкілдері бұл бастаманы сайлаушыларға қысым көрсетуге әрекет ретінде бағалады.
BBC хабарлағандай, бұл сайлау америкалықтар үшін маңызды сәт, өйткені олардың көпшілігі алдағы екі жылда нақты өзгерістерді көргісі келеді.
Екі партия үшін де бұл 2028 жылғы президент сайлауы алдындағы соңғы сынақ. Осы сайлауда Трамптан кейінгі саясаттың болашағы белгілі бола бастайды. Ал президенттің өзі үшін сайлаушылардың оған және Республика партиясының жұмысына беретін бағасы болмақ.
Дональд Трамптың өзі АҚШ Конгресі сайлауында мерзімінен бұрын дауыс берді.
XIV Лео АҚШ-тағы сайлауда дауыс берген алғашқы Рим папасы болуы мүмкін.
