АҚШ пен Ирак аймақтағы ДАИШ жетекшісінің жойылғанын жариялады
АСТАНА. KAZINFORM — Ирак билігі Әбу Хадиджа лақап атымен танымал Абдулла Макки Муслих әл-Рифа әлемдегі ең қауіпті лаңкестердің бірі саналды деп мәлімдеді.
BBC мәліметінше, Ирак премьер-министрі Ирак барлау қызметі мен АҚШ бастаған коалиция күштерінің бірлескен операциясы нәтижесінде Ирак пен Сирияда «Ислам мемлекеті» (Қазақстан Республикасында тыйым салынған ұйым) жетекшісінің жойылғанын хабарлады.
АҚШ президенті Дональд Трамп Truth әлеуметтік желісінде операцияға қатысты пікір білдірді.
АҚШ-тың Орталық қолбасшылығы бейсенбі күні Әл-Анбар провинциясында болған соққы видеосын Х әлеуметтік желісінде жариялады. Әскерилердің айтуынша, әл-Рифа стратегиялық жоспарлауға, логистикаға және бүкіл әлем бойынша ДАИШ шабуылдарын үйлестіруге жауапты болған.
«Ислам мемлекеті» (Қазақстанда тыйым салынған ұйым) 2019 жылы талқандалғанымен, оның содырлары Ирак әскерилері мен полициясына шабуылдарын жалғастыруда.
Бұған дейін Израиль әуе күштері Дамаскіге әуеден соққы берген болатын. Израиль армиясының хабарлауынша, нысана Палестиналық исламдық жиһадтың басқару орталығы болған.
