АҚШ пен Израильдің Иранға жасаған соққысынан кейін мұнай нарығында не болмақ

АСТАНА.KAZINFORM — АҚШ пен Израильдің Иранға қарсы жүргізген ауқымды әскери операциясынан кейін жаһандық энергетикалық нарықтар мұнай бағасының күрт ауытқуына дайындалып отыр, деп хабарлайды Kazinform.

Соңғы апталарда Таяу Шығыстағы геосаяси жағдайдың шиеленісуінің күшеюіне байланысты мұнай бағасы өсу тенденциясын көрсетті.

Соңғы айда екі негізгі эталон тұрақты өсім көрсеткен: Brent шамамен 7–11%-ға қымбаттап, ал WTI 5–10%-ға өскен. Бұл нарықтағы қатысушылардың қақтығыстың одан әрі таралуы мүмкіндігіне байланысты алаңдаушылығын көрсетеді.

Сарапшылардың болжауынша, келесі аптаның басында сауда ашылғанда мұнай бағасы күрт секіруі мүмкін, себебі бағаға «әскери сыйақы» енгізілген.

Қосымша қысым Ормуз шығанағы арқылы жеткізілімнің белгісіздігімен байланысты, бұл маршрут әлемдік мұнай экспортының елеулі бөлігін қамтамасыз етеді.

Инвесторлар дипломатиялық дағдарысты шиеленістің өсу белгісі деп қабылдады, бұл әскери қақтығыс басталғанға дейін мұнай фьючерстеріне сұранысты арттырды.

Еске салайық, Израиль Иранға соққы жасаған. Кейін АҚШ президенті Дональд Трамп Иранға қарсы ауқымды әскери операцияның басталғанын жариялаған.